ევროსაბჭოს საპარლამენტო ასამბლეის მონიტორინგის თანამომხსენებლები მარიეტა დე პურბე-ლუდინი და მაილის რეპსი უკრაინის მოქმედი ხელისუფლების მიერ მომიტინგეების წინააღმდეგ ძალის გამოყენების გამო ევროსაბჭოდან უკრაინის გარიცხვას დასაშვებად მიიჩნევენ. განცხადება ამის შესახებ მათ დღეს მოწყობილ პრესკონფერენციაზე გააკეთეს.
„ჩვენ ყოველთვის ძალიან ვფრთხილობლით ისეთი სიტყვების მიმართ, როგორებიც არის სანქციები ან წევრობის შეწყტვეტა. თუმცა ამის ალბათობა უკრაინისათვის რა თქმა უნდა არსებობს",_ განაცხადა რეპსმა.
მან აღნიშნა, რომ ევროსაბჭოს საპარლამენტო ასამბლეა უკრაინის ხელისუფლების მიერ საპროტესტო აქციის მონაწილეების მიმართ გამოვლენილ ქმედებებს უღირსად მიიჩნევს.
თავის მხრივ, მარიეტა დე პურბე-ლუდინი მიიჩნევს, რომ უკრაინის ევროდსაბჭოდან გარიცხვის შესაძლებლობა ნაკლებსავარაუდოა, იმიტომ, რომ ამ შემთხვევაში უბრალო უკრაინელი მოქალაქეები დაზარალდებიან.
მან აღნიშნა, რომ უკრაინის გარიცხვის შემთხვევაში უკრაინელი მოქალაქეები ადამიანის უფლებათა დაცვის ევროპულ სასამართლოში ვეღარ იჩივლებენ.
მასალის გამოყენების პირობები