სასმელი წყლის ინდუსტრიის განვითარების საკოორდინაციო საბჭო შეიქმნა, რომელსაც პირადად პრემიერ-მინისტრი ირაკლი ღარიბაშვილი უხელმძღვანელებს. საბჭოს ფუნქცია იქნება ასევე, ბუნებრივი სასმელი წყლის ინდუსტრიის განვითარების ხელშეწყობის უზრუნველსაყოფად შესაბამისი წინადადებების მომზადება და საქართველოს მთავრობისთვის წარდგენა.
საბჭო უფლებამოსილია მოამზადოს შესაბამისი გადაწყვეტილებებისა და სამართლებრივი აქტების პროექტები; ასევე საქართველოს სამინისტროებისაგან, სხვა სახელმწიფო უწყებებისა და ორგანიზაციებისაგან მოითხოვოს და მიიღოს საბჭოს საქმიანობისათვის აუცილებელი ინფორმაცია; საბჭოს კომპეტენციაში შემავალი საკითხების შესწავლისა და სათანადო რეკომენდაციების შემუშავების მიზნით შექმნას თემატური სამუშაო ჯგუფები შესაბამისი სამინისტროების, სხვა სახელმწიფო უწყებების, ორგანიზაციების, დამოუკიდებელი ექსპერტებისა და სპეციალისტების მონაწილეობით; საბჭოს საქმიანობის მიზნებიდან გამომდინარე, საკითხის სრულყოფილად შესწავლისა და გამოკვლევის მიზნით, მოაწყოს სამუშაო შეხვედრები შესაბამის დაინტერესებულ პირებთან და უწყებებთან;
