აჭარის ფინანსთა და ეკონომიკის სამინისტროს 2014 წლის პროექტით გათვალისწინებული წარმომადგენლობითი ხარჯები, 2013 წელთან შედარებით, განახევრდა. როგორც აჭარის ფინანსთა და ეკონომიკის მინისტრი დავით ბალაძე განმარტავს, რომ 2013 წლის წარმომადგენლობითი ხარჯების გეგმა შეადგენდა 150 000 ლარს, საიდანაც მხოლოდ 9 198 ლარი დაიხარჯა.
2014 წლის წარმომადგენლობითი ხარჯების გეგმა კი 74 850 ლარია.
სამინისტროს მიერ პროექტით გათვალისწინებული ავეჯის ხარჯები, 2013 წელთან შედარებით, 5 - ჯერ შემცირდა.
2013 წლის ავეჯის ხარჯების გეგმა შეადგენდა 58 820 ლარს, საიდანაც მხოლოდ 5 399 ლარი დაიხარჯა.
2014 წლის ავეჯის ხარჯების გეგმა 10 000 ლარია.
