9-დღიანი გაფიცვის შემდეგ მუნიციპალური ავტობუსების მძღოლები სავარაუდოდ 21 თებერვლიდან სამუშაოს დაუბრუნდებიან. საკრებულოს თავმჯდომარის სპეციალური ბრძანებით შექმნილმა 18 კაციანმა კომისიამ, რომელიც მესამე სექტორის, ტრასპორტის პროფკავშირების, მერიისა და საკრებულოს წარმომადგენლებით იყო დაკომპლექტებული, რამდენიმე დღიანი მუშაობის შედეგად კონსესუს მიაღწია.
შპს „ბათუმის ავტოტრანსპორტის" დირექტორმა გიორგი ლორიამ თანამდებობიდან გადადგომის მოთხოვნით საკრებულოს უკვე მიმართა და ამით გაფიცული მძღოლების ერთ-ერთი მთავარი მოთხოვნა დააკმაყოფილა. მისი თქმით:- მიუხედავად იმისა, რომ ის არ ეთანხმება მძღოლების პრეტენზიებს, არცერთი თანამდებობა არ ღირს იმათ, რომ გაგრძელდეს ხალხის დაპირისპირება და კონფრონტაცია.
მუნიციპალური მძღოლების ნაწილის მოთხოვნებისა და შპს დირექტორის შესახებ საკითხს საკრებულო უახლოეს სხდომაზე განიხილავს.
მასალის გამოყენების პირობები
