მამა გაბრილების საფლავის გახსნასთან დაკავშირებით, მერიის გადაწყვეტილებით, 22 და 23 თებერვალს, დილის 06:00 საათიდან საღამოს 21:00 საათამდე თბილისიდან მცხეთის მიმართულებით 3 სპეციალური მარშრუტი დაინიშნება.
„როგორც ცნობილია შაბათს, 22 თებერვალს მცხეთაში იხსნება მამა გაბრილების საფლავი. საზოგადოების ინტერესის, მომლოცველთა დიდი რაოდენობისა და საპატრიარქოს თხოვნის საფუძველზე, თბილისის მერიის გადაწყვეტილებით, 22 და 23 თებერვალს, დილის 06:00 საათიდან საღამოს 21:00 საათამდე თბილისიდან მცხეთის მიმართულებით დაინიშნება 3 სპეციალური მარშრუტი. მოსახლეობა გადაადგილებას შეძლებს: დიდუბის მეტროს ზედა გასასვლელიდან, მეტრო სადგურ „ვაგზლის მოედნის" ავტობუსის გაჩერებიდან(„თბილისის ცენტრალის" წინ) და დიდი დიღმიდან(„გუდვილის" მიმდებაე ტერიტორია).
აღნიშნულ მარშრუტზე მგზავრობა განხორციელდება უფასოდ და ამ მომსახურებისათვის გამოყოფილი იქნება 140 ავტობუსი"- ნათქვამია თბილისის მერიის განცხადებაში.