აზერბაიჯანში, ქ. განჯაში საქართველოს გენერალური საკონულო გაიხსნა. საკონსულოს გახსნის ცერემონიას ქ.განჯაში სამმხრივი მინისტერიალის ფარგლებში მყოფი აზერბაიჯანის, საქართველოსა და თურქეთის საგარეო საქმეთა მინისტრები დაესწრნენ.
როგორც საკონსულოს გახსნის ცერემონიაზე განჯაში საქართველოს გენერალურმა კონსულმა მამუკა ბალავაძემ განაცხადა, გენერალური საკონსულო ხელს შეუწყობს აზერბაიჯანსა და საქართველოს შორის როგორც ორმხრივი ჰუმანიტარული, კულტურული და ეკონომიკური კავშირების კიდევ უფრო გაღრმავებას, ასევე მოემსახურება საქართველოს იმ მოქალაქეებს, რომლებიც საკონსულო საკითხებთან დაკავშირებით ბაქოში ჩასვლას ვერ ახერხებენ.
სამმხრივი მინისტერიალის ფარგლებში სამი ქვეყნის სგარეო საქმეთა მინისტრები ქ.განჯაში თურქეთის გენერალურ საკონსულოსაც ეწვივნენ.
