დღეიდან, ერთიან ეროვნულ გამოცდებში აბიტურიენტების რეგისტრაცია დაიწყო და 21 მარტს დასრულდება. ამის შესახებ, ბათუმის "შერატონში" ჟურნალისტებისთვის გამართულ სემინარზე შეფასებისა და გამოცდების ეროვნული ცენტრის ხელმძღანელმა მაია მიმინოშვილმა განაცხადა.
მისი თქმით, ეროვნული გამოცდები, სავარაუდოდ, ივნისის ბოლო კვირაში დაიწყება.
მიმონოშვილმა აღნიშნა, რომ წელს უმაღლეს სასწავლებლებს აბიტურიენტების მისაღებად კონკურსი 45 ათასზე მეტ ადგილზე აქვთ გამოცხადებული.
გამოცდების ეროვნული ცენტრის ხელმძღანელმა განმარტა, რომ გასულ წელს ერთიან ეროვნულ გამოცდებში სულ 42 ათასი აბიტურიენტი მონაწილეობდა, მათგან სტუდენტი 29 ათასი გახდა.
წელს აბიტურიენტების მიღებაზე ერთიან ეროვნულ გამოცდებში აკრედიტაციის მქონე 100 უმაღლეს სასწავლებელს აქვს კონკურსი გამოცხადებული.
მასალის გამოყენების პირობები
