ავიაკომპანია ,,ეარ კავკასუსი" თბილისიდან ბაღდადის, მოსულისა და ერბილის მიმართულებით ავიარეისების განხორციელებას გეგმავს. როგორც სამოქალაქო ავიაციის სააგენტოში განმარტავენ, 2014 წლის 12 თებერვალს სამოქალაქო ავიაციის სააგენტოში ავიაკომპანია ,,ეარ კავკასუსის" განაცხადება შევიდა, რომლის თანახმადაც ავიაკომპანია თბილისი-ბაღდადი-თბილისის, თბილისი-მოსული-თბილისის და თბილისი-ერბილი-თბილისის საჰაერო ხაზებზე, ფრენის 3 სიხშირის დამტკიცებას ითხოვს.
სააგენტოს ინფორმაციითვე, საქართველოსა და ერაყის საავიაციო ხელისუფლებებს შორის 2013 წლის 25 მარტის ურთიერთგაგების მემორანდუმის შესაბამისად, თითოეული მხარის დანიშნულ ავიაგადამზიდველებს შეუძლიათ ჯამში 8 სიხშირის გამოყენება.
