ანტიგუა და ბარბუდამ საქართველოში გაცემული მეზღვაურის კომპეტენციის დამადასტურებელი სერტიფიკატები აღიარა. საზღვაო ტრანსპორტის სააგენტოს ინფორმაციით, ევროკავშირის 2013 წლის 22 ნოემბრის გადაწყვეტილების საფუძველზე, სააგენტოსა და ანტიგუა და ბარბუდას საზღვაო სერვისების დეპარტამენტს შორის, 2014 წლის 17 თებერვალს ურთიერთგაგების მემორანდუმი გაფორმდა. მემორანდუმის მიხედვით ანტიგუა და ბარბუდას დროშის ადმინისტრაცია აღიარებს საზღვაო ტრანსპორტის სააგენტოს მიერ გაცემულ მეზღვაურთა კომპეტენციის დამადასტურებელი სერტიფიკატებს და გასცემს შესაბამის დამოწმებებს.
აღსანიშნავია ისიც, რომ ანტიგუა და ბარბუდას დროშის ადმინისტრაციამ საქართველოში გაცემული მეზღვაურთა კომპეტენციის დამადასტურებელი სერტიფიკატების აღიარება მას შემდეგ გააუქმა, რაც 2010 წლის 22 ნოემბერს ევროკავშირმა სერტიფიკატების აღიარების შეწყვეტასთან დაკავშირებით მიიღო გადაწყვეტილება.
მასალის გამოყენების პირობები
