ეკონომიკისა და მდგრადი განვითარების სამინისტრომ კომპანია „N ქირონ +"- ს პირდაპირი მიყიდვის ფორმით, სიმბოლურ 1 ლარად თბილისში, ლუბლიანას ქ. № 5-ში განთავსებული ფართი და მიწის ნაკვეთი გადასცა. საქართველოს მთავრობის № 144 განკარგულებაში აღნიშნულია, რომ „სახელმწიფო ქონების შესახებ" საქართველოს კანონის მე - 18 მუხლის მე - 3 პუნქტისა და საქართველოს უზენაესი სასამართლოს 2013 წლის 19 სექტემბრის Nბს-21-17(კ-13) განჩინების შესაბამისად , ქ. თბილისში, ლუბლიანას ქ. № 5-ში, სახელმწიფო საკუთრებაში არსებული, შენობა-ნაგებობის მე-8 სართულზე მდებარე 607.17 კვ.მ ფართობი და მასზე წილობრივად დამაგრებული არასასოფლო-სამეურნეო დანიშნულების მიწის ნაკვეთი და ქ. თბილისში, ლუბლიანას ქ. № 5-ში, სახელმწიფო საკუთრებაში არსებული, სარდაფის სართულზე მდებარე 31.05 კვ.მ ფართობი და მასზე წილობრივად დამაგრებული არასასოფლო-სამეურნეო დანიშნულების მიწის ნაკვეთი პირდაპირი მიყიდვის ფორმით, სიმბოლურ ფასად 1 ლარად საკუთრებაში გადაეცეს შპს „N ქირონ +"- ს".
მთავრობის განკარგულებითვე, „N ქირონ +"- ს" საპრივატიზებო პირობებად განესაზღრა: ნასყიდობის ხელშეკრულების გაფორმებიდან 5 თვის განმავლობაში, ამ განკარგულების პირველი პუნქტით გადაცემული № 01.13.02.006 .018.01.516 საკადასტრო კოდით რეგისტრირებული უძრავი ქონების სრულფასოვანი ფუნქციონირებისათვის აღჭურვა საჭირო ავეჯით, კომპიუტერული, სამედიცინო დანადგარებითა და ინვენტარით „სამედიცინო საქმიანობის ლიცენზიისა და სტაციონარ ული დაწესებულების ნებართვის გაცემის წესისა და პირობების შესახებ დებულების დამტკიცების თაობაზე" საქართველოს მთავრობის 2010 წლის 17 დეკემბრის № 385 დადგენილების შესაბამისად;
ასევე, შესაბამისი ხელშეკრულების გაფორმებიდან 7 წლის განმავლობაში ამ განკარგულების პირველი პუნქტით გადაცემული № 01.13.02.006 .018.01.516 საკადასტრო კოდით რეგისტრირებული უძრავი ქონების სამედიცინო პროფილით ფუნქციონირება.