რუსეთის ფედერაციაში შვეიცარიის კონფედერაციის საელჩოში საქართველოს ინტერესების სექციის ვიცე-კონსულის სოჭის ოლიმპიადაზე მივლინება ბიუჯეტს 1250 აშშ დოლარი დაუჯდა. საქართველოს მთავრობის № 148 განკარგულებაში აღნიშნულია, რომ საქართველოს საგარეო საქმეთა სამინისტრომ ,,საქართველოს 2014 წლის სახელმწიფო ბიუჯეტის შესახებ" საქართველოს კანონით საზღვარგარეთ საქართველოს დიპლომატიური დაწესებულებებისათვის განსაზღვრული ასიგნებებიდან აანაზღაუროს 2014 წლის 2 თებერვლიდან 26 თებერვლის ჩათვლით, რუსეთის ფედერაციაში შვეიცარიის კონფედერაციის საელჩოში საქართველოს ინტერესების სექციის ვიცე-კონსულის კ. კოტარიას სოჭის ოლიმპიადაზე მისავლენად საჭირო ხარჯები: სადღეღამისო ხარჯი - 1250 აშშ დოლარის ოდენობით, საცხოვრებელი ფართობის დაქირავებისათვის და მგზავრობის ფაქტობრივად გაწეული ხარჯები, დამადასტურებელი საბუთის შესაბამისად.