,,ის ფაქტი, რომ დღეს ჩვენ საქართველოში ვიმყოფებით, ნატო-ს მხარდაჭერის მაჩვენებელია", _ამის შესახებ, თბილისის საერთაშორისო აეროპორტში ნატო-ს სამხედრო კომიტეტის თავმჯდომარემ, გენერალმა კნუდ ბარტელსმა განაცხადა.
,,კომიტეტის თავმჯდომარის რანგში მინდოდა გამომეხატა ჩემი მაღალი შეფასება იმ მაღალი შესაძლებლობისთვის, რომელიც მომეცა საქართველოში ჩამოსვლის და იმისთვის, რომ პირველი ხელიდან მიმეღო ინფორმაცია თქვენს თავდაცვის რეფორმებზე და იმ პროგრესზე, რომელსაც განიცდის საქართველოს შეიარაღებული ძალები. ეს გახლავთ ნატო-ს სამხედრო კომიტეტის პირველი ვიზიტი საქართველოში და ის ფაქტი, რომ დღეს ჩვენ აქ ვიმყოფებით, ნათლად გამოკვეთილი ნატო-ს მხარდაჭერის მაჩვენებელია იმ რეფორმების მიმართ, რომელიც საქართველოში მიმდინარეობს. ასევე მინდა, მადლიერება გამოვთქვა იმ წვლილისთვის, რომელიც საქართველოს შეაქვს ავღანეთის სამშვიდობო ოპერაციაში. დარწმუნებული ვარ, რომ დღევანდელი ვიზიტი აღნიშნავს კიდევ ერთ წინგადადგმულ ნაბიჯს ჩვენს სამხედრო თანამშრომლობის სფეროში, - განაცხადა კნუდ ბარტელსმა.
შეგახსენებთ, რომ ნატოს სამხედრო კომიტეტი საქართველოში ორდღიანი ოფიციალური ვიზიტით იმყოფება.. ნატოს სამხედრო კომიტეტის გასვლითი ვიზიტი საქართველოში პირველად იმართება. ნატოს წევრი ქვეყნების სამხედრო მაღალჩინოსნების ვიზიტს კომიტეტის თავმჯდომარე, გენერალი კნუდ ბარტელსი ხელმძღვანელებს.
