ტრამპის სპეციალური წარმომადგენლები სტივ უიტკოფი და ჯარედ კუშნერი კიევს უკრაინის დამოუკიდებლობის დღეს ეწვევიან.
ამის შესახებ „რადიო თავისუფლების“ კორესპონდენტმა ალექს რაუფოღლუ, ინფორმირებულ წყაროებზე დაყრდნობით, წერს.
ორი წყაროს ინფორმაციით, რომლებიც ამ გეგმების შესახებ არიან ინფორმირებული, სტივ უიტკოფი და ჯარედ კუშნერი კიევში აგვისტოს მეორე ნახევარში ჩავლენ. ისინი მონაწილეობას მიიღებენ უკრაინის დამოუკიდებლობის 35-ე წლისთავისადმი მიძღვნილ ღონისძიებებში.
მანამდე უკრაინის პრეზიდენტმა ვოლოდიმირ ზელენსკიმ განაცხადა, რომ დონალდ ტრამპის სპეციალური წარმომადგენლები, ჯარედ კუშნერი და სტივ უიტკოფი, შესაძლოა, უახლოესი ორი კვირის განმავლობაში კიევს ეწვიონ.
ზელენსკის თქმით, მას სურს მათთან დეტალურად განიხილოს სამშვიდობო მოლაპარაკებების განახლების იდეები, რომლებიც ომის დასრულებას შეუწყობს ხელს, ასევე სურს, რომ მათ საკუთარი თვალით იხილონ უკრაინაში არსებული ვითარება.
