საქართველო ყაზახური ხორბლის ექსპორტითა და მისი ტრანზიტითაა დაინტერესებული. როგორც ყაზახური მედია წერს, ყაზახეთში საქართველოს საელჩოში „საქართველოს რკინიგზის" წარმომადგენლებსა და ყაზახეთის ხორბლის ბაზრის მოთამაშეებს შორის შეხვედრა გაიმართა. შეხვედრის ფარგლებში, „საქართველოს რკინიგზამ" და ქართულმა სატრანსპორტო კომპანია„PACE Group of companies"-ის წარმომადგენლებმა გამართეს პრეზენტაცია, რომლის მთავარი თემაც, ყაზახეთიდან საქართველოს ტერიტორიის გავლით, მესამე ქვეყნებში ხორბლის კულტურების ტრანსპორტირება იყო.
როგორც ყაზახური მედია წერს, შეხვედრაზე ქართული მხარის მიერ გაჟღერებული იყო ასევე საქართველოში ყაზახური ხორბლის შემოტანის და ზოგადად იმპორტის ზრდის შესახებ. ასევე ყაზახური ხორბალის ტრანზიტული გადაზიდვები ფოთის პორტის გავლით.
აღნიშნულ შეხვედრაზე მხარეების მიერ გამოითქვა დაინტერესება, ორმხრივი თანამშრომლობის კიდევ უფრო გაღრმავების შესახებ.
