დე ფაქტო აფხაზეთის ე. წ. საგარეოს საქმეთა მინისტრი ირაკლი ხინთბა საკუთარ Facebook გვერდზე საკონტროლო-გამშვებ პუნქტ „ფსოუზე" აფხაზეთის საკონსულოს გახსნასთან დაკავშირებით წერს. მისი თქმით, საკონსულოს დროებითი დაწესებულება უცხოელ ტურისტებს ხელს შეუწყობს აფხაზეთის ტერიტორიაზე შესასვლელად, თუმცა არაფერს ამბობს იმის შესახებ თუ როგორ დაბრუნდებიან ტურისტები უკან, რუსეთის ტერიტორიაზე.
„აფხაზეთის ტერიტორიაზე უცხოელი ტურისტების შესვლის გასამარტივებლად, აფხაზეთის საგარეო საქმეთა სამინისტრო „ფსოუს" საკონტროლო გამშვებ პუნქტზე 10 თებერვლიდან დროებით საკონსულო პუნქტს ხსნის, რომელიც ფხაზეთის ტერიტორიაზე ვიზების გაფორმებასა და გაცემას განახორციელებს. საგარეო საქმეთა სამინისტროს საკონსულო დასვენების დღეების გარეშე იმშავებს, იმედი გვაქვს, რომ უცხოელ სტუმრებს მოეწონებათ ჩვენი სტუმართმოყვარე ქვეყანა", - წერს ხინთბა.
