9 თებერვალს, 12:00 საათიდან 17:00 საათამდე, გუდაურში "სმარტი" "საქართველოს სნოუბორდის ეროვნულ ფედერაციასთან" და „გუდაურის განვითარების სააგენტოსთან ერთად" მსოფლიო სნოუბორდის დღეს აღნიშნავს.
„საქართველოს სნოუბორდის ეროვნული ფედერაცია" მსოფლიო სნოუბორდის დღეს საქართველოში უკვე მერვედ აღნიშნავს. წელს სამოყვარულო შეჯიბრი - King of the Mountain 2014 „სნოუ პარკში" 12:00 საათიდან 14:30 საათამდე გაიმართება და საზეიმო გალა დაჯილდოება გონდოლის მიმდებარე ტერიტორიაზე მცირე კონკურსებით დასრულდება, რომელთა განუყოფელი ნაწილი იქნება ალკოჰოლური სასმელები და მხიარულება.
„სუპერმარკეტების ქსელი „სმარტი" მოხარულია იყოს მსოფლიო სნოუბორდის დღის აღსანიშნავი ტურნირის მხარდამჭერი. ჩვენი კორპორაციული გმირი ციყვი თავად მიიღებს სიმბოლურ მონაწილეობას შეჯიბრში და დაეხმარება მონაწილეებს და მაყურებლებს დროის ხალისიანად გატარებაში. ტურნირის გამარჯვებულებს „სმარტის" საჩუქრებიც ერგებათ", - აცხადებენ „სმარტში"
წინასწარ დარეგისტრირებული მონაწილეების დაშვება განხორციელდება სნოუ პარკში, სპეციალურად მომზადებულ ტრასაზე, ერთდროულად დამშვებ მონაწილეთა რაოდენობა შედგება 4 ადამიანისაგან. დაშვებისას მონაწილეს ხელში ეჭირება პლასტმასის ჭიქა, რომელიც გავსებული იქნება ლიმონათით. შეჯიბრის ძირითადი პრინციპია ფინიშზე პირველი მისვლა ისე, რომ ჭიქაში დარჩენილი სითხე არ ჩამოვიდეს წინასწარ დადგენილ ზღვარზე ქვემოთ. შეჯიბრი წარიმართება ოლიმპიური სისტემით და საბოლოოდ გამოვლინდება სამი გამარჯვებული, რომლებიც დასაჩუქრდებიან სხვადასხვა პრიზებით. პირველ ადგილზე გასულს პრიზებთან ერთად გადაეცემა თასი.
„სმარტთან" ერთად" ღონისძიების მხარდამჭერები არიან: Riders Inc.; RedBull, არაყი „ივერიონი", ლუდი „კასტელი", „სნოუ არენა"
