შრომის, ჯანმრთელობისა და სოციალური დაცვის მინისტრი, დავით სერგეენკო ამერიკის ელჩს საქართველოში, რიჩარდ ნორლანდს შეხვდა. საუბარი ჯანდაცვის მინისტრის აშშ-ში ვიზიტს უკავშირდებოდა. დავით სერგეენკო მონაწილეობას მიიღებს გლობალური ჯანმრთელობის უსაფრთხოების კონგრესში, რომელიც დიდი რვიანის ეგიდით იმართება. აღნიშნული ღონისძიება მიზნად ისახავს, გლობალური შესაძლებლობების გაფართოებას, ინფექციური დაავადებების პრევენციის, მათი დროულად აღმოჩენისა და გავრცელების შემცირების გზით. ვიზიტის ფარგლებში, ჯანდაცვის მინისტრი ასევე შეხვდება აშშ-ს ავადობის კონტროლის ცენტრის დირექტორს, სახელმწიფო მდივანსა და წამლებისა და საკვების უსაფრთხოების ორგანიზაციის დირექტორს.
მასალის გამოყენების პირობები