7-9 თებერვალს აჭარის ტურიზმისა და კურორტების დეპარტამენტი ლატვიის დედაქალაქ რიგაში გამართულ საერთაშორისო ტურისტულ გამოფენა "BALTTOUR-2014 -ში მიიღებს მონაწილეობას.
აღსანიშნავია, რომ აჭარა გამოფენაზე წარდგენილი იქნება საქართველოს ტურიზმის ეროვნულ ადმინისტრაციასთან ერთად. გამოფენაში მონაწილეობის მიზანია აჭარის ტურისტული პოტენციალის პოპულარიზაცია და რეგიონით დაინტერესებულ ახალ ტურისტულ კომპანიებთან კავშირების დამყარება. საერთაშორისო გამოფენა "BALTTOUR-2014" ბალტიისპირეთის მთავარ ტურისტულ ფორუმად არის აღიარებული. ოფიციალური სტატისტიკის მიხედვით, ბოლო წლებში, საქართველოში ბალტიისპირეთის ქვეყნებიდან შემოსულ ტურისტთა რაოდენობა განსაკუთრებითაა გაზრდილი.
მასალის გამოყენების პირობები
