2013 წელს საქართველოდან 6 781 ტონა ხურმის ექსპორტი განხორციელდა, მაშინ როდესაც 2012 წელს ქვეყნიდან 5 266,5 ტონა ხურმაა გატანილი. სტატისტიკური ინფორმაციის მიხედვით, 2013 წელს საქართველოდან ექსპორტირებული ხურმის საერთო ღირებულება 3 584,6 ათასი დოლარია, ხოლო 2012 წელს ექსპორტირებული ხურმის ღირებულება კი 2 795,3 ათასი დოლარია. „საქსტატის" ინფორმაციით, 2013 წელს 2012 წლის მსგავსად ყველაზე დიდი მოცულობით ხურმის ექსპორტი უკრაინაში განხორციელდა. 2013 წელს საქართველოდან უკრაინაში 6 417 ტონა ხურმის ექსპორტია განხორციელებული, 2012 წლის მონაცემებით, კი უკრაინამ საქართველოდან 4 943 ტონა ხურმა მიიღო.
