„მოხარულნი ვართ, ვითანამშრომლოთ საქართველოს ბანკთან, რომელიც ფართოვდება, ზრდის დაკრედიტების შესაძლებლობებს და საქართველოში დაფინანსების წყაროებს კიდევ უფრო ხელმისაწვდომს ხდის,"- განაცხადა IFC-ის კაპიტალიზაციის ფონდის ხელმძღვანელმა მარკოს ბრუჯისმა.

სესხი, რომელსაც 10 წლიანი ვადა აქვს, ხელს შეუწყობს ბანკის სასესხო პორტფელის ზრდას და გაზრდის გრძელვადიანი დაფინანსების მიღების შესაძლებლობებს ქვეყანაში.

„ხსენებული სუბორდინირებული სესხი, რომელიც მეორად კაპიტალს შეადგენს, გააძლიერებს ბანკის მთლიან კაპიტალიზაციას და, ამავდროულად, ხელს შეუწყობს ბანკის ფინანსური რესურსის ღირებულების დაწევას. მინდა მადლობა გადავუხადო ჩვენი დიდი ხნის პარტნიორსა და აქციონერს, IFC-ის, უწყვეტი თანამშრომლობისთვის, ხოლო ბანკის ფინანსირების გუნდს ტრანზაქციის წარმატებული დასრულებისთვის"- განაცხადა „საქართველოს ბანკის" გენერალურმა დირექტორმა ირაკლი გილაურმა.

„საქართველოს ბანკი" მთლიანი საბანკო სექტორის აქტივების, სესხების, კლიენტთა დეპოზიტებისა და სააქციო კაპიტალის მიხედვით ერთ მესამედზე მეტ წილს ფლობს. IFC "საქართველოს ბანკის" გაერთიანებულ სამეფოში დარეგისტრირებული ჰოლდინგური კომპანია Bank of Georgia Holdings PLC-ის აქციონერია, რომლის აქციები ლონდონის საფონდო ბირჟის პრემიუმ ლისტინგშია განთავსებული.

"ეს სუბორდინირებული სესხი ხელს შეუწყობს საქართველოს ბანკს კაპიტალის განმტკიცებაში. შედეგად ბანკი დააფინანსებს ქართულ კომპანიებსა და ინდივიდუალურ მსესხებლებს, რაც ეკონომიკურ ზრდას და სამუშაო ადგილების შექმნას შეუწყობს ხელს. ეს პროექტი კიდევ ერთი წინგადადგმული ნაბიჯია IFC-სა და საქართველოს ბანკის ხანგრძლივი და ნაყოფიერი თანამშრომლობის გზაზე", - განაცხადა IFC-ის რეგიონულმა მენეჯერმა სამხრეთ კავკასიაში თომას ლუბეკმა.
საქართველო IFC-ის წევრი 1995 წელს გახდა. მას შემდეგ, IFC-ის ინვესტიციებმა საქართველოში 695 მილიონი აშშ დოლარი შეადგინა სხვადასხვა სექტორის 57 პროექტში. IFC-ის ინვესტიციებმა ასევე ხელი შეუწყო რეგიონული პროექტების განხორციელებას ქვეყანაში. გარდა ამისა, IFC-ის საკონსულტაციო პროექტები კერძო სექტორის განვითარებას უწყობს ხელს.