სახალხო დამცველი უჩა ნანუაშვილი 6-7 თებერვალს ჭიათურისა და ტყიბულის მაღაროებში დასაქმებულებთან შეხვედრებს გამართავს.
შეხვედრაზე სახალხო დამცველი გაეცნობა შრომითი უსაფრთხოების დაცულობის თვალსაზრისით მაღაროებში არსებულ ვითარებას.
მოგვიანებით კი სახალხო დამცველი შეხვედრას გამართავს ქუთაისში ადგილობრივი არასამთავრობო სექტორის წარმომადგენლებთან.
სახალხო დამცველი ასევე მოინახულებს ქუთაისში მიუსაფართათვის გახსნილ დროებით თავშესაფარს და იქ არსებულ მდგომარეობას გაეცნობა.
დღეს, 6 თებერვალს, 14:00 საათზე სახალხო დამცველი ჭიათურის მაღაროში დასაქმებულებს და ადგილობრივი არასამთავრობო ორგანიზაციების წარმომადგენლებს შეხვდება. შეხვედრა ჭიათურის კულტურის სახლში გაიმართება.
დღესვე 18:00 საათზე უჩა ნანუაშვილი ქუთაისის მიუსაფართა თავშესაფარს მოინახულებს.
ხვალ, 7 თებერვალს, 11:00 საათზე სახალხო დამცველი ტყიბულის მაღაროში დასაქმებულებს შეხვდება
ხვალვე 16:00 საათზე სახალხო დამცველი ქუთაისში ადგილობრივ არასამთავრობო ორგანიზაციებს შეხვდება.
