დღეს, 6 თებერვალს, 10:30 საათზე სასტუმრო "Radisson Blue Iveria" -ში, ინდოეთის ბიზნეს დელეგაციასთან შეხვედრა გაიმართება. როგორც სავაჭრო-სამრეწველო პალატაში განმარტავენ, საქართველოში ინდოელი ბიზნესმენების ვიზიტი მიზნად ისახავს ქვეყნის ფარმაცევტული ბაზრის, ამ სფეროს მარეგულირებელი წესების ბიზნეს შესაძლებლობების გაცნობას, ასევე დაინტერესებულ ქართულ კომპანიებთან სათანადო კონტაქტების დამყარებას.
ვიზიტი გაიმართება საქართველოს სავაჭრო-სამრეწველო პალატის, საქართველოს საგარეო საქმეთა სამინისტროს და ინდოეთის ვაჭრობისა და მრეწველობის სამინისტროს ფარმაცევტული პროდუქციის ექსპორტის ხელშეწყობის საბჭოს (PHARMEXGIL) ორგანიზებით.
დელეგაციის შემადგენლობაში შედიან ფარმაცევტული პროდუქციის საწარმოო სექტორის, მცენარეული და ტრადიციული ინდური მედიცინისა და სხვა სექტორების 41-მდე კომპანიის წარმომადგენლები.
