აჭარიდან 9 საექსპორტო ბაზარზე უკვე 65 ათას ტონაზე მეტი ციტრუსია ექსპორტირებული. როგორც აჭარის მთავრობის მეთაური არჩილ ხაბაძე განმარტავს, მიმდინარე სეზონზე რეგიონში ციტრუსის მოსავალი უპრეცედენტოდ დიდი იყო.
„საბაზრო ეკონომიკის პრინციპით, ჭარბი რაოდენობის მიწოდება ფასის კლებას იწვევს. მიუხედავად ამისა, ციტრუსის ფასი 50-60 თეთრზე შევინარჩუნეთ. წელს პირველად შეიქმნა ციტრუსის შემფუთავ-დამხარისხებელი საწარმოები და ორიენტაცია იქნა აღებული ციტრუსის შეფუთვაზე ევროსტანდარტების შესაბამისად. ასევე, ბოლო 9 წლის განმავლობაში პირველად მოხდა ექსპორტი რუსეთის მიმართულებით. წელს 9 ქვეყანაში მიმდინარეობდა ციტრუსის ექსპორტი. დღეის მდგომარეობით, უკვე ექსპორტირებულია 65 ათას ტონაზე მეტი ციტრუსი. რაც შეეხება არასტანდარულ ნაყოფს, ქობულეთის საკონსერვო ქარხანა 18 000 ათას ტონა ციტრუსოვანთა ნაყოფს მიიღებს და გადაამუშავებს. აღსანიშნავია, რომ გასულ წლებში არასტანდარტული მანდარინის მიმღები საწარმოები არ არსებობდა და არსად ფიქსირდება, სად მიჰქონდა გლეხს ეს მოსავალი. ასეთი პროდუქცია ექსპორტზე ვერ გავიდოდა და საკვებადაც უვარგისია. სადღაც იყრებოდა ათობით ათასი ტონა ციტრუსი, მაგრამ ამაზე ხმას არავინ იღებს"- განაცხადა აჭარის მთავრობის მეთაურმა.