ციტრუსის საერთო მოსავლის გარკვეული ნაწილი ყოველთვის იყრებოდა, აღნიშნულის შესახებ განცხადებას აჭარის მთავრობის ხელმძღვანელი არჩილ ხაბაძე აკეთებს. მისივე განმარტებით, ფერმერების მხრიდან გაფუჭებული ციტრუსის გადაყრა ბუნებრივი პროცესია, თუმცა ხაბაძე ფერმერებს ურჩევს, რომ გაფუჭებული ნაყოფი დააკომპოსტონ.
„აღნიშნული საკითხი არ არის სიახლე და ეს წელს პირველად არ მომხდარა. მეციციტრუსე ფერმერთა ასეთი სახის ქმედებას გასულ წლებშიც ჰქონდა ადგილი. ამიტომ სოფლის მეურნეობის სამინისტროს რჩევით, გაფუჭებული ნაყოფი ფერმერებმა უნდა დააკომპოსტონ თავიანთი ციტრუსის ბაღის ნაკვეთებში. რამდენიმე წლის შემდეგ, სხვა ორგანულ სასუქებთან არევის შედეგად, შესაძლებელია, ის გამოყენებულ იქნას როგორც მულჩი. თუ ჩვენი ფერმერები ამას გაითვალისწინებენ, ჯარიმებისგანაც თავს დაიზღვევენ. რაც შეეხება ციტრუსის გადაყრას, ესეც ბუნებრივი პროცესია, საერთო მოსავლის გარკვეული ნაწილი ყოველთვის იყრებოდა"- აცხადებს ხაბაძე.
მასალის გამოყენების პირობები
