აჭარაში ეკონომიკის განვითარების ამსახველი ძირითადი მაჩვენებლები დამუშავების სტადიაშია, თუმცა რეგიონის მეთაური განმარტავს, რომ 2013 წლის I, II და III კვარტლების მონაცემების ურთიერთშედარებით, აღნიშნულ მაჩვენებლებში ზრდის ტენდენცია იკვეთება.
„აჭარის ავტონომიურ რესპუბლიკაში ეკონომიკის განვითარების ამსახველ ძირითადი მაჩვენებლებია რეგიონში შექმნილი მთლიანი დამატებული ღირებულება და დასაქმების საერთო დონე. საქართველოს სტატისტიკის ეროვნული სამსახურის მონაცემებით, 2013 წლის აღნიშნული მაჩვენებლები დამუშავების პროცესშია. რაც შეეხება რეგიონის ბიზნესსექტორის ძირითად მაჩვენებლებს - ბრუნვას, პროდუქციის გამოშვებასა და ბიზნეს სექტორში დასაქმებულთა რაოდენობას - ბიზნესსექტორის 2013 წლის I, II და III კვარტლების მონაცემების ურთიერთშედარებით, აღნიშნულ მაჩვენებლებში ზრდის ტენდენცია იკვეთება. თუ შევადარებთ 2013 წლის კვარტლების მონაცემებს 2011 და 2012 წლების ანალოგიურ მაჩვენებლებს, ზრდის ტენდენციით ხასიათდება ბიზნესსექტორში ბრუნვისა და დასაქმების მაჩვენებლებიც, ხოლო კლების ტენდენციაა პროდუქციის გამოშვებაში 2013 წლის მეორე და მესამე კვარტალში, წინა წლების შესაბამისი კვარტლების მონაცემებთან შედარებით"- აცხადებს „ჯი-ეიჩ-ენთან" საუბრისას არჩილ ხაბაძე.