თბილისის უფლებამოსილება შეჩერებული მერი გიგი უგალავა ,,დემოკრატიული მოძრაობის" ლიდერის ნინო ბურჯანაძის 26 მაის საქმეზე მიცემულ ჩვენებას ეხმიანება. როგორც საკითის კომენტირებისას უგულავამ განაცხადა ნინო ბურჯანაძე, 26 მაისს, საქართველოს დამოუკიდებლობის დღის ჩაშლას ცდილობდა. იგი ღიად პრორუსულ ხაზს ატარებდა
,,ქალბატონმა ნინომ აღიარა, რომ დიახ, მისი მონაწილეობით, მისი ხელის თუ სხვა საკვანძო პირების მონაწილეობით, დროშის ტარები გამოყენებული იყო როგორც ხელკეტები, ტრანსფარანტები გამოყენებული იყო როგორც ფარი და "მოლოტოვის კოქტეილები" ასევე ეკუთვნოდათ მის მომხრეებს. მას ერთადერთი გასამართლებელი არგუმენტი ჰქონდა ის, რომ თუ ეს შესაძლებელია უკრაინაში, რატომ არ არის დასაშვები საქართველოში. მას უნდა ვუპასუხო, რომ უკრაინელი ხალხი იბრძვის დამოუკიდებლობისთვის, რუსეთის ორბიტიდან გასვლისთვის, ევროპული მომავლისთვის და თავისუფლებისთვის. დიახაც, ეს შესაძლებელია და დასაშვებია ამ შემთხვევაში. ნინო ბურჯანაძე, 26 მაისს, საქართველოს დამოუკიდებლობის დღის ჩაშლას ცდილობდა. იგი ღიად პრორუსულ ხაზს ატარებდა და ის და მისი ვაჟი ოცნებობდნენ რუსეთის ჯარის შემოსვლაზე. სწორედ ასეთ პირობებში ეს არ არის დასაშვები და სახელმწიფო მოქმედებს სწორად, როდესაც ასეთი რამის ალაგმვას ახორციელებს", - განაცხადა გიგი უგულავამ.
