ადამიანი, კანონი, თავისუფლება უკიდურესად შეშფოთებულია დედაქალაქში მცირედი თოვლის და ყინვის შედეგად შექმნილი პრობლემების გამო.
„თბილისის მერიის კეთილმოწყობის სამსახურის სრული უმოქმედობიდან გამომდინარე, 31 იანვრის ღამეს არაერთი ავტოსაგზაო შემთხვევა მოხდა. თბილისის ქუჩებში პრაქტიკულად არ ხდებოდა ტექნიკური მარილის მოყრა. 22:00 საათიდან დედაქალაქის ქუჩებში მოძრაობა პრაქტიკულად შეუძლებელი გახდა.
თბილისის მერიის კეთილმოწყობის სამსახურის უფროსის, გიორგი ყორღანაშვილის განცხადებით „მარილი ჯადოსნური ჯოხი არ არის, ყინვაში ზაფხული მოიყვანოს". მისივე განცხადებით მათ არ გააჩნიათ საკმარისი ტექნიკა, რომ ყველა ქუჩა მოიცვან.
ადამიანი, კანონი, თავისუფლება მიმართავს ბატონ გიორგის: სად გაქრა ის ტექნიკა, რომელიც წინა წლებში სრულად საკმარსი იყო დედაქალაქში ტექნიკური მარლის მოყრისთვის?! რატომ არ იქნებოდა შარშან ან შარშანწინ ანალოგიური პრობლემები?! თუ ეს ტექნიკა გამოვიდა მწყობრიდან, მივმართავთ ბატონ აკაკი ჯოხაძეს, იქნებ შუქნიშნების დაუყოვნებლივი შეცვლის სანაცვლოდ, დედაქალაქის მაცხოვრებლებს, რომ გადაადგილების პრობლემა არ ჰქონოდა, 2014 წლის დაუმტკიცებელი ბიუჯეტის პირობებში შუქნიშნებისთვის გამოძებნილი თანხები, მიგემართან ამ საკითხის მოგვარებისთვის?!
ზემოაღნიშნულიდან გამომდინარე გვაქვს საფუძვლიანი ეჭვი, რომ თბილისის მერია და მის დაქვემდებარებაში არსებული ყველა სამსახურით ახორციელებს საბოტაჟს დედაქალაქის მოსახლეობის წინააღმდეგ. შესაბამისად, მთავრობა, რომელიც თავის თანამოქალაქეს ხელოვნურად უქმის პერმანენტულ პრობლემებს უნდა გადადგეს. ჩვენ არ ვსაუბრობთ ბიუჯეტის დამტკიცება/არდამტკიცების საკითხზე. ვფიქრობთ ეს მეორეხარისხოვანია ამ მომენტისთვის. გარდა იმისა, რომ მოსახლეობას მიადგა მატერიალური ზიანი და დაუზიანდათ კუთვნილი ქონება, თითოეული მოქალაქის სიცოცხლე, მერიის მესვეურთა უნიათობით, დადგა საფრთხის წინაშე", - აცხადებს ორგანიზაცია.