ბათუმის 2014 წლის ბიუჯეტი 20 მლნ ლარით გაიზარდა. გადაწყვეტილება ბათუმის საკრებულომ უკვე მიიღო. ბიუჯეტის ზრდა კი მიმდინარე წლის შემოსულობებისა და გასული წლის ბიუჯეტის ნაშთის ხარჯზე გახდა შესაძლებელი.
როგორც ბათუმის საკრებულოში განმარტავენ, ნამატი თანხა ქალაქის კეთილმოწყობის, კომუნალური ინფრასტრუქტურის, სოციალური უზრუნველყოფის, განათლების და ა.შ. მუნიციპალურ პროგრამებზე გადანაწილდა, აქედან 4 მილიონი ლარი მხოლოდ ორი ახალი საბავშვო ბაღის მშენებლობას და ორის რეაბილიტაციას მოხმარდება, რაც ნაწილობრივ მოაგვარებს ქალაქში ამ კუთხით არსებულ პრობლემას.
