31 იანვარს, საქართველოს ფინანსთა მინისტრის, ნოდარ ხადურის თავმჯდომარეობით გაიმართა ფულის გათეთრებისა და ტერორიზმის დაფინანსების წინააღმდეგ ბრძოლის სტრატეგიისა და სამოქმედო გეგმის შემმუშავებელი უწყებათაშორისი საბჭოს პირველი სხდომა.
შეხვედრაზე იმსჯელეს ფულის გათეთრებისა და ტერორიზმის დაფინანსების წინააღმდეგ ბრძოლისა და პრევენციისთვის 2014-2017 წლების სტრატეგიისა და სამოქმედო გეგმის შემუშავების შესახებ. აღნიშნული სტრატეგიის აღსრულების პროცესში იგეგმება საერთაშორისო ორგანიზაციების და ექსპერტებისა ჩართვა.
შეხვედრაზე საბჭოში შემავალი უწყებების წარმომადგენლებმა საკუთარი კომპეტენციის ფარგლებში წარმოადგინეს აღნიშნული მიმართულებით გატარებული ღონისძებების შესახებ ინფორმაცია.
ფულის გათეთრებისა და ტერორიზმის დაფინანსების წინააღმდეგ ბრძოლის სტრატეგიისა და სამოქმედო გეგმის შემმუშავებელი უწყებათაშორისი საბჭო შექმნილია ფულის გათეთრების საწინააღმდეგო ქმედებათა შემფასებელ ექსპერტთა ევროპის საბჭოს კომიტეტის (MONEYVAL) და ფინანსური ქმედების ჯგუფის ( FATF) რეკომენდაციების შესაბამისად და მისი მიზანია, ფულის გათეთრებისა და ტერორიზმის დაფინანსების წინააღმდეგ ბრძოლის სტრატეგიისა და სამოქმედო გეგმის შემუშავება, ასევე სტრატეგიის განხორციელებაზე მონიტორინგი.
