რენჯ როვერი, მერსედესი, ბეემვე, ტოიოტა, აუდი, მაზდა, - საავტომობილო კონკურსის, "ოქროს საჭე 2013"-ის გამარჯვებულები უკვე ცნობილია. გამარჯვებული ავტომობილები ექვს კლასში გამოვლინდნენ. წლის საუკეთესო ავტომობილები რუსთავის საერთაშორისო ავტოდრომზე დაასახელეს. ამასთან, დაჯილდოვდნენ წლის საუკეთესო მრბოლელები სხვადასხვა კლასში. გალა-დაჯილდოების ცერემონიალი "აუტო ბილდ საქართველოს" და საქართველოს საავტომობილო სპორტის ასოციაციის ორგანიზებით გაიმართა. პროექტის პარტნიორია კომპანია "ვისოლი", მხარდამჭერი "ივენთ კომპანია დელიკატო" .
როგორც ღონისძიების ორგანიზატორები აცხადებენ, პრესტიჟული საავტომობილო კონკურსი "ოქროს საჭე 2013" საქართველოში უპრეცედენტოდ მასშტაბური გამოვიდა.
მათი ინფორმაციით, კონკურსში 25 ათასამდე ავტომოყვარულმა მიიღო მონაწილეობა. რჩეული ავტომობილებისთვის ხმის მიცემის პროცედურა "პალიტრა მედიის" რეიტინგული ვებ-გვერდების საშუალებით მიმდინარეობდა.
საუკეთესო ავტომობილების გამოვლენის კამპანიაში სხვადასხვა საავტომობილო დილერები, ავტო ბრენდის ფან კლუბები და გულშემატკივრები იყვნენ ჩართულები. საზეიმო ღონისძიებაზე დილერ კომპანიებსა და პარტნიორებს სპეციალური პრიზებიც გადაეცათ.
"ჟურნალმა "აუტო ბილდმა" კომპანია "ვისოლთან" ერთად დღეს გააერთიანა მთელი საავტომობილო საქართველო და შედგა გალა-დაჯილდოება იმ ხანგრძლივი აქციისა, რომელიც 4 თვის განმავლობაში მიმდინარეობდა, ვგულისხმობ "ოქროს საჭის" გამოკითხვას, რომელიც საუკეთესო ავტომობილების გამოვლენას გულისხმობდა. გამოვლინდნენ გამარჯვებულები. ჩვენ დავაჯილდოვეთ ყველა კლასის გამარჯვებულის წარმომადგენლობას საქართველოში. ვფიქრობ, ღონისძიებით ყველა კმაყოფილია", - განაცხადა ჟურნალ "აუტო ბილდის" მთავარმა რედაქტორმა შალვა ბუაჩიძემ.
საზეიმო ღონისძიებაზე სხვადასხვა ნომინაციაში წლის საუკეთესო ავტოსპორტსმენებიც
გამოვლინდნენ. ავტომრბოლელები მთელი სეზონის განმავლობაში დაგროვილი ქულების მიხედვით დაჯილდოვდნენ. ღონისძიების კულმინაცია კი წლის ავტოსპორტსმენის გამოვლენა იყო. წლის ავტოსპორტსმენი მრბოლელი დათა ქაჯაია გახდა. პროექტის პარტნიორი იყო კომპანია "ვისოლი".
"კომპანია "ვისოლი" მთელი ამ ხნის განმავლობაში მხარი ედგა ამ ღონისძიებას. ჩვენთვის ძალიან მნიშვნელოვანია მოხდეს საუკეთესო მოდელის შერჩევა, რადგან დღევანდელი ავტოინდუსტრია აწარმოებს უამრავი მაღალი კლასის მქონე ავტომობილებს და თავისთავად მაღალი კლასის ავტომობილი მოითხოვს მაღალი კლასის საწვავს, ამიტომ, მინდა ინფორმაცია მოგაწოდოთ ვისოლ ჯგუფის ყველაზე დიდი სიახლის შესახებ. მომხმარებელთა მოთხოვნის გათვალისწინებით, „ვისოლი" აწარმოებდა მოლაპარაკებებს საბერძნეთის პეტროლიუმთან, გააფორმა შესაბამისი ხელშეკრულება და 10 თებერვლიდან ვისოლი მთელი საქართველოს მასშტაბით „ეკო სუპერის", „ეკო პრემიუმის" და "ეკო დიზელის" რეალიზაციას იწყებს. საქართველოში ყველას ძალიან კარგად ახსოვს, რომ ეკო არის გამორჩეულად მაღალი ხარისხის საწვავი და ვისოლი მოხარულია, რომ შეძლო ეკოს საწვავის შეთავაზება მომხმარებლებისათვის ", - განაცხადა ღონისძიებაზე "ვისოლის" გენერალურმას დირექტორმა ვასილ ხორავამ.
ღონისძიებას ორგანიზატორობა "AUTO BILD საქართველოსთან" ერთად, საქართველოს საავტომობილო სპორტის ასოციაციამ გაუწია. მხარდამჭერი "ივენთ კომპანია დელიკატო" იყო. აუტო ბილდის ორგანიზებით გამართული "ოქროს საჭე 2013" ფოიერვერკებით დასრულდა.
