საქართველოში ყოველდღიურად შიდსით 1 ადამიანი ინფიცრდება. ასეთია სტატისტიკა, რომელსაც ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრი აქვეყნებს. ცენტრის მონაცმებით, 2014 წლის 22 იანვრის მონაცემებით, გამოვლინდა 22 ახალი შემთხვევა. მათივე მონაცამებით, არვ მკურნალობაზე 2092 პაციენტი იმყოფება.
22 იანვრის მონაცემებით, ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრში რეგისტრირებულია: აივ-ით ინფიცირების 4153 შემთხვევა. აქედან 3047 - მამაკაცია, ხოლო 1106 - ქალი. პაციენტთა უმრავლესობა 29-დან 40 წლამდეა.
შიდსი განუვითარდა 2498 პაციენტს, 897 გარდაიცვალა.
"მართალია, მსოფლიო სტატისტიკით საქართველო მიეკუთვნება აივ ინფექცია/შიდსის დაბალი პრევალენტობის ქვეყნებს და, რაც კიდევ უფრო საინტერესოა, ამ ქვეყნებს შორისაც ერთ-ერთი ყველაზე ბოლო ადგილი უკავია, მაგრამ, მეორეს მხრივ, შიდსის ეპიდემიის კანონზომიერებიდან გამომდინარე, აივ ინფიცირებულების სავარაუდო რიცხვი საქართველოში 6000-ს უტოლდება. ეს კი ისეთი მცირერიცხოვანი ქვეყნისათვის, როგორიც საქართველოა, უკვე საკმაოდ სოლიდური რიცხვია", - აცხადებენ ცენტრში.
შეგახსენებთ, რომ საქართველოში აივ ინფექცია/შიდსის პირველი შემთხვევა გამოვლინდა 1989 წელს.