ხვალ, 30 იანვარს 13:00 საათზე სასტუმროში „ჰოლიდეი ინ" ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ორგანიზებით სამუშაო სხდომაზე საქართველოს 2014 წლის წლიური ეროვნული პროგრამის პროექტი (ANP) განიხილება.
ღონისძიება ორდღიანია და მასში მონაწილეობენ ექსპერტები ნატო-ს შტაბ-ბინიდან, ლატვიიდან, დანიიდან, ესტონეთიდან, რუმინეთიდან, უნგრეთიდან, პოლონეთიდან, ბულგარეთიდან და ლიტვიდან.
ასევე, საქართველოში აკრედიტებული ნატო-ს წევრი ქვეყნების საელჩოებისა და წლიური ეროვნული პროგრამის შემუშავებაში ჩართული ყველა შესაბამისი უწყების წარმომადგენელი.
