,,როგორც ექიმსა და მოქალაქეს მიმაჩნია, რომ ის რაც კანონით დაშვებულია მისი გაკეთება მიღებულია. შესაბამისად სუროგაცია და ხელოვნური განაყოფიერება კანონით დაშვებულია და კანონიერი ქმედებაა. ამიტომ ექიმს უფლება არ აქვს ის რაც კანონით ევალება არ შეასრულოს, შესაბამისად როგორც კანონმორჩილმა მოქალაქემ ვალდებული ვარ დავიცვა ჩემი კანონიერი, ადამიანური და მოქალაქეობრივი ეთიკა. არ მაქვს უფლება პაციენტს ვუთხრა, ვერ გაუკეთებ ხელოვნურ განაყოფიერებას, რადგან მე განსხვავებულად ვფიქრობ, მაშინ ექიმის ფიცის დავარღვევა მომიწევს. რაც შეეხება იმას უნდა აიკრძალოს, თუ არა უნდა აიკრძალოს ხელოვნური განაყოფიერება და სუროგაცია ასე იოლად ამ საკითხის გადაწყვეტა არ შეიძლება, ამაზე ფიქრი და მსჯელობაა აუცილებელი. ამდენად, ამჟამად ამის პასუხი არც მაქვს და არც მექნება თუ საკითხს სიღრმისეულად არ შევისწავლით", _განაცხადა არსენ გვენეტაძე.

რაც შეეხება ,,ჯი-ეიჩ-ენის" შეკიხთვას საქართველოს ეკლესია გარკვეულწილად ხომ არ ეწინააღმდეგება მედიცინის პროგრესს რეპროდუქტოლოგი არსენ გვენეტაძე ასე პასუხობს: ,,ჩემი მთავარი პრინციპია ,,ნუ განსჯი და არ განისჯები", ამიტომ ამჟამად თავს ავარიდები ამ კითხვაზე პასუხს, თუმცა პროგრესი აუცილებელია და არ უნდა აიკრძალოს და გეტყვით ჩემი მოვალეობაა ყველა კანონმორჩილი ადამიანის მსგავსად დავიცვა კანონი", _განაცხადა არსენ გვენეტაძემ.

შეიძლება ოჯახი იყოს ბედნიერი, სადაც სუროგატი დედის მიერ დაბადებული ბავშვი იზრდება?! - ამის შესახებ, სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე საშობაო ეპისტოლეში საუბრობს.
,,შეიძლება ოჯახი იყოს ბედნიერი, სადაც სუროგატი დედის მიერ დაბადებული ბავშვი იზრდება? ეს პატარა ხომ თავიდანვე გაწირეს უსიყვარულობისთვის, მიუსაფრობისა და მარტოობისთვის. იგი კეთილდღეობაშიც რომ გაიზარდოს, მუცლადყოფნის პერიოდის ამ სიმძიმეს ვერაფერი შეცვლის და ეს აუცილებლად იჩენს თავს ზრდასრულ ასაკში.
პრობლემატურნი იქნებიან ის ბავშვებიც, რომლებიც ხელოვნური განაყოფიერებით დაიბადნენ და მათი სიცოცხლე მრავალი ემბრიონის განადგურების შედეგად განვითარდა...".