თბილისის გოეთეს ინსტიტუტის მხარდაჭერით ფესტივალის ერთ-ერთ ტრადიციულ ნაწილად იქცა სექცია "დამზადებულია გერმანიაში, სადაც უახლესი გერმანული კინოპროდუქციაა წარმოდგენილი. წლევანდელი პროგრამის მთავარი ფილმი კინორეჟისორისა და გერმანული ახალი ტალღის წარმომადგენლის მარგარეტე ფონ ტროტას ახალი ბიოგრაფიული ფილმი "ჰანა არენდტია", რომელიც ცნობილი გერმანელი ფილოსოფოსისა და ინტელექტუალის, ჰანა არენდტის ცხოვრების მნიშვნელოვან ეპიზოდს ასახავს. ასევე წარმოდგენილი იქნება: იან-ოლე გერსტერის ფილმი "Oh boy!", რომელმაც 2013 წლის Deutscher Filmpreis-ზე საუკეთესო მხატვრული ფილმის ოქროს ჯილდო მიიღო; გეორგ მაასის ფილმი "ორი ცხოვრება"; რეჟისორის დორის დორის ფილმი "ბედნიერება"; ასევე დოკუმენტური ფილმი "არ დამივიწყო", რომელიც 2012 წელს ლაიფციგის ფესტივალზე დაჯილდოებულ იქნა გოეთეს ინსტიტუტის მიერ.
ფილმები კინოთეატრ "ამირანში" და "რუსთაველში" გერმანულად ქართული სუბტიტრებით იქნება ნაჩვენები.
თბილისის მე-14 საერთაშორისო კინოფესტივალის "პრომეთე" 2 დეკემბერს გაიხსნა და 8 დეკემბერს საზეიმოდ მაიკლ ჰოფმანის ფილმით „უკანასკნელი სადგური" დაიხურება.