ტურიზმის ეროვნული ადმინისტრაციის ორგანიზებით, 19 ოქტმბერს თელავში, კერძოდ ნადიკვარის პარკის ტერიტორიაზე 14:00-დან - 19:00 საათის ჩათვლით „ღვინის ფესტივალი" გაიმართება.
ფესტივალში მონაწილეობას მიიღებენ ქართული ღვინის მწარმოებლები, რომლებიც სტუმრებს წარუდგენენ როგორც ქვევრის, ასევე ქარხნული წესით დამზადებულ ღვინოებს. წარმოდგენილი იქნება აგრეთვე სამონასტრო ღვინოც. აქვე, განთავსდება ქართული ყველის სადეგუსტაციო დახლი, რომელზეც წარმდგენილი იქნება უნიკალური ქართული ყველი. სტუმრებს საშუალება ექნებათ დაათვალიერონ და დააგემოვნონ წარმოდგენილი პროდუქცია, ასევე თვალი ადევნონ თიხის ჭურჭელის დამზადების პროცესს და მონაწილეობა მიიღონ ჩურჩხელის ამოვლებაში.
აღნიშნული ინიციატივა, ღვინის ტურიზმის განვითარებასა და თელავის, როგორც ტურისტული ადგილის პოპულარიზაციას ემსახურება.
