თავდაცვის სპეციალური სამსახურისთვის ბიუჯეტის შემცირებას საპარლამენტო უმცირესობა გამოეხმაურა. დეპუტატ ტარიელ ლონდარიძის თქმით, იმ პირობებში როდესაც საქართველო რუსეთის მხრიდან მუდმივ ზეწოლას განიცდის არ შეიძლება თავდაცვსი სამინსიტროს ხარჯები შეუმცირდეს.
ლონდარიძის ამ განცხადებას თავდაცვისა და უშიშროების კომიტეტის თავმჯდომარე ირაკლი სესიაშვილი გამოეხმაურა. როგორც სესიაშვილმა განაცხადა გასულ წლებში ხელისუფლება თავდაცვის სფეროში არსებულ თანხებს არამიზნობრივად ხარჯავდა, ახლა კი ამ თანხების მიზნობრივი გადანაწილება მოხდება.
სესიაშვილის განმარტებით, მისთვის საპარლამენტო უმცირესობის შენიშვნები მიუღებელია.
შეგახსენებთ, რომ პარლამენტში 2014 წლის ქვეყნის მთავარი ფინანსური დოკუმენტის განხილვა გრძელდება. ამ წუთებში თავდაცვისა და უშიშროების კომიტეტის სხდომაზე თავდაცვის სფეროში არსებულ ბიუჯეტს განიხილავენ. როგორც ფინანსთა მინისტრის მოადგილემ გიორგი თაბუაშვილმა განაცხადა წინა წელთან შედარებით ორი მილიონი ლარით შემცირდა თავდაცვის სპეციალური სამსახურის ბიუჯეტი.
