მიწოდების უახლესი ტექნოლოგია - ავტომატიზაციის სისტემა დანერგა, რომელიც საწვავის ხარისხის კონტროლისა და 100% სიზუსტით მიწოდების დამატებითი მაღალტექნოლოგიური გარანტიაა. საწვავის მიწოდების უახლესი სისტემის დანერგვით „ვისოლს" საშუალება აქვს მომსახურების სისწრაფეც გაზარდოს და ერთგულ მომხმარებელს დამატებითი კომფორტი შეუქმნას. პროექტის განხორციელებისათვის კომპანია 3 მლნ ლარამდე ინვესტიციას განახორციელებს.
„ვისოლი ინოვატორია საქართველოს ნავთობსექტორში. მოხარული ვართ, რომ კიდევ ერთი მაღალტექნოლოგიური სერვის პროდუქტის შეთავაზება შევძელით, რომელიც საწვავის ხარისხის კონტროლისა და 100% სიზუსტით მიწოდების დამატებითი გარანტიაა. ავტომატიზაციის სისტემის პროექტის შემუშავებასა და დანერგვაზე 4 წელი ვიმუშავეთ, შესაბამისად, მაღალტექნოლოგიური სისტემა რომელიც ამერიკულ კომპანია GILBARCO-სთან ერთად შევქმენით, საქართველოში სრულიად უნიკალური და ინოვაციურია", - აცხადებს „ვისოლ პეტროლიუმ ჯორჯიას" გენერალური დირექტორი ვასილ ხორავა.
„ვისოლ პეტროლიუმ ჯორჯიას" საკუთრებაში არსებული ავტოგასამართი სადგურების ყველაზე ფართი ქსელი აქვს საქართველოში და ნავთობპროდუქტების ყველაზე ფართო არჩევანს სთავაზობს მომხმარებელს. ვისოლი ინოვატორია საქართველოს ნავთობსექტორში. 2001 წელს ვისოლი იყო პირველი ნავთობკომპანია, რომელმაც საქართველოს ბაზარზე ინოვაციური პროდუქტი, კორპორაციული ჩიპური ბარათი დანერგა და 2009 წლიდან კორპორაციულ მომხმარებელს უკვე ავტოპარკის მართვის უნიკალურ GoLive სატელიტურ სისტემას სთავაზობს; უმაღლესი ხარისხის საწვავითა და მაღალტექნოლოგიური სერვის პროდუქტების შეთავაზებით „ვისოლი" საცალო ბაზრის ლიდერია.
