ფინანსთა მინისტრის მოადგილე გიორგი თაბუაშვილი, „ნაციონალური მოძრაობის" პრეზიდენტობის კანდიდატის დავით ბაქრაძის, ბათუმში გაკეთებულ განცხადებას ეხმაურება. ბაქრაძის განცხადებით, სხვადასხვა მუნიციპალიტეტებში ფინანსთა სამინისტრომ ფარული სეკვესტრის განხორციელება დაიწყო. როგორც თაბუაშვილმა განაცხადა ბაქრაძის ეს განცხადება ტყუილია, რადგან ყველა მუნიციპალიტეტეს ფინანსთა სამინისტრომ დაფინანსება გაზარდა.
„ვერანაირად ვერ დავეთანხმები ბატონ დავითს, რადგან ბიუჯეტი არცერთი მუნიციპალიტეტისათვის არ შეგვიმცირებია პირიქით გაზრდილია, მსგავსი არაზუსტი განცხადებებისაგან კი ვურჩევ თავი შეიკავოს,"- ამბობს თაბუაშვილი.
