24-26 ოქტომბერს, ბათუმი მე-3 საერთაშორისო სამშენებლო მასალებისა და ტექნოლოგიების გამოფენას - „Batum Build 2013"-ს უმასპინძლებს. როგორც გამოფენის ორგანიზატორ კომპანია GeoNet Expo-ში განმარტავენ, „Batum Build 2013"-ი „Sheraton Hotel - BaTumi"-ში გაიმართება და საგამოფენო სივრცე 730 კვ/მ ფართობზე იქნება გადაჭიმული, საიდანაც 70 %-ი სხვადასხვა კომპანიების მიერ უკვე ათვისებულია. როგორც GeoNet Expo-ში განმარტავენ, გამოფენაში მონაწილეობას 50-ზე მეტი კომპანია მიიღებს, თუმცა მოლაპარაკებები ისევ გრძელდება და გამორიცხული არ არის, გამოფენაში მონაწილე კომპანიების რაოდენობა კიდევ გაიზარდოს.
გამოფენის ორგანიზატორების განმარტებით, „Batum Build 2013"-ში მონაწილეობას საქართველოში მომუშავე კომპანიების გარდა უცხოური კომპანიებიც მიიღებენ, აზერბაიჯანიდან, ირანიდან, თურქეთიდან და პაკისტანიდან.
