ტურიზმის ეროვნული ადმინისტრაცია ზამთრის ტურისტული სეზონისთვის მზადებას იწყებს. როგორც დღეს ტურიზმის ეროვნული ადმინისტრაციის ხელმძღვანელმა გიორგი სიგუამ განაცხადა, ზამთრის სეზონისთვის თბილისში, სამეგრელოში, ბაკურიანში და ყაზბეგში გაიხსნება ტურიზმის საინფორმაციო ცენტრები. ასევე მომზადდა ახალი პროდუქტი ტურისტებისთვის „საქართველოს ალპინისტური გზამკვლევი, რომელიც მოიცავს ყაზბეგს და სვანეთს. ასვე იგეგმება სეზონის გახსნის ცერემონიები მესტიაში და გუდაურში.
„მესტიაში სეზონზე იფუნქციონირებს 2 ტრასა: წითელი (1900 მ) საშუალო სირთულის და ლურჯი (2565 მ) რთული, ასევე საბაგირო 77 ადამიანის გადაყვანის შესაძლებლობით;
ხოლო გუდაურში შარშან გაკეთებული უკლებლივ ყველა ტრასა იფუნქციონირებს, სეზონისთვის დაიტკეპნება 20-მდე ტრასა (საშუალო სიგრძე 57 კმ); სეზონისთვის ექსტრემალური სპორტის მოყვარულებს ელოდებათ სიახლე: კეთდება პარკი (ტერიტორია პატარა გორაკებით, ექსტრემალებისთვის შექმნილი ხელოვნური ბარიერებით)"- აღნიშნა გიორგი სიგუამ.
