Forbes-მა ყველაზე მდიდარი ამერიკელების რეიტინგი გამოაქვეყნა. რეიტინგში სულ 400 ადამიანი მოხვდა, თუმც ლიდერ პოზიციაზე და შესაბამისად ამერიკის ნომერ პირველ მდიდარ ადამიანადად, Microsoft-ის დამფუძნებელი და ხელმძღვანელი ბილ გეიტსი დასახელდა. აღსანიშნავია, რომ გეიტსი ყველაზე მდიდარი ამერიკელის ტიტულს 1994 წლიდან ინარჩუნებს. ამ დროისათვის ბილ გეიტსის ქონება 72 მლრდ დოლარს შეადგენს, თუმც საგულისხმოა ისისც, რომ წელს გეიტსი 6 მილიარდი დოლარით მეტი მფლობელია, ვიდრე ის შარშან ფლობდა.
Forbes-ის რეიტინგში მეორე პოზიციაზეა კომპანია Berkshire Hathaway-ის მფლობელი უორენ ბაფეტი, რომელიც 58,5 მლრდ დოლარს ფლობს, რაც 12,5 მლრდ დოლარით მეტი თანხაა, რასაც ბიზნესმენი 2012 წელს ფლობდა.
ყველაზე მდიდარი ამერიკელების რეიტინგში მესამე პოზიციაზეა Oracle-ს დამფუძნებელი ლარი ელისონი, რომლის ქონებაც 41 მლრდ დოლარად ფასდება.
მეხუტე პოზიციას კი ჩარლზ და დევიდ კოხები იყოფენ, თითოეულის ქონება 36-36 მლრდ დოლარადაა შეფასებული.
რეიტინგის ათეულში მოხვდა ასევე ნიუ-იორკის მერი მაიკლ ბლუმბერგი, რომლის ქონებაც 31 მლრდ დოლარადაა შეფასებული.
