ქუთაისში მდინარე რიონში თეთრი ხიდიდან მამაკაცი გადახტა.
როგორც საგანგებო სიტუაციების სამსახურის თანამშრომელი ზურაბ ჩაჩუა „ჯი-ეიჩ-ენთან" საუბარში აცხადებს, თვითმხილველებმა მდინარეში მამაკაცი შენიშნეს და ამის შემდეგ მათ საგანგებო სიტუაციების მართვის სამსახურში დარეკეს.
ჩაჩუას განცხადებით, ისინი შეტყობინდებიდან რამდენიმე წუთში ადგილზე გამოცხადნენ და სამძებრო სამუშაოები ამ წუთებშიც მიმდინარეობს.
„10 წუთის წინ შემოვიდა შეტყობინება იმის შესახებ, რომ შავმაისურიანი მამაკაცი მდინარე რიონიდან შველას ითხოვდა, ადგილზე გამოვიდა საგანგებო სიტუაციების სამსახურის რამდენიმე ეკიპაჟი და მდინარე რიონის ტერიტორიაზე წყალში გადამხტარ მამაკაცს ვეძებთ", _ განაცხადა ზურაბ ჩაჩუამ.
