"ტურისტული სეზონის დაწყებასთან დაკავშირებით ჩვენ დამატებითი ზომები მივიღეთ აჭარის მოსახლეობისა და დამსვენებლებთა უსაფრთხოების გაძლიერების მიზნით, შესაბამისად, საპატრულო ეკიპაჟების რაოდენობა 30 %-ით გავზარდეთ, მოძველებული ავტომანქანების რაოდენობა შევცვალეთ ახლით, სპეციალურად გამოვყავით მინიკუპერების მარკის ავტომობილები, რომლებიც ტურისტულ ზონებში პატრულირებას უფრო მარტივს გახდის. ამავე მიზნით დაემატა მოტოციკლეტები. ასევე ველოდებით ელექტრომობილების შემოყვანას ბათუმში, რომელიც პატრულირებას განახორციელებენ ბულვარში", - განაცხადა ირაკლი ღარიბაშვილმა.

საპატრულო პოლიციის დეპარტამენტმა აჭარის რეგიონში პატრულის ეფექტური მუშაობისთვის ავტოპარკი განაახლა და „შკოდა"-ს მარკის 21 ახალი, თანამედროვე სტანდარტებით აღჭურვილი ავტომოანქანა დაამატა. ბათუმის ქუჩების სპეციფიკიდან გამომდინარე, მხოლოდ ბათუმის საპატრულო პოლიციას გადაეცა 7 ახალი „მინი კუპერი"-ს მარკის საპატრულო ავტომანქანა. ავტოპარკი განახლდა ელექტოროტრანსპორტითაც და მას 4 ცალი ე.წ. „სეგვეი"დაემატა. აჭარის საპატრულო პოლიციამ საზღვაო პატრულირებისთვის 1 კატარღა მიიღო.