თბილისის მერიის ინფორმაციით, ქალაქის ათივე რაიონში გზების რეაბილიტაცია აქტიურად მიმდინარეობს, რაც მოსახლეობის შეუფერხებელ გადაადგილებას უზრუნველყოფს.
ნაძალადევის რაიონში, ხევძმარის ქუჩაზე 5 000 კვ.მეტრფართობზე კაპიტალურად იგება ასფალტის საფარი, იცვლება სანიაღვრე სისტემა, კეთდება ბეტონის ბორდიურები და ეწყობა ტროტუარები. აღნიშნულ ქუჩაზე საავტომობილო და საფეხმავლო გზის მოწესრიგება ადგილობრივი მოსახლეობის უმთავრესი პრობლემა იყო, რაც სამუშაოების დასრულების შემდეგ აღმოიფხვრება.
ნაძალადევის რაიონში მიმდინარე საგზაო სამუშაოები დღეს თბილისის მერმა გიგი უგულავამ დაათვალიერა, ადგილობრივ მოსახლეობას შეხვდა და მათ პრობლემებს გაეცნო.
