17 ივნისს, საქართველოს ფინანსთა მინისტრი ნოდარ ხადური დაესწრო სს „საქართველოს რკინიგზის" მიერ გამართულ პრეზენტაციას, რომელზედაც კომპანიამ განვითარების გეგმა და პირველი კვარტლის შედეგები წარადგინა.
„ახალ მენეჯმენტს მოუწევს სერიოზული მუშაობა ტვირთების მოზიდვაზე, გადაიარაღებაზე, ინფრასტრუქტურული პროექტების განხორციელებაზე. იმედი მაქვს, რომ უახლოეს წლებში ჩვენ შევძლებთ და საქართველოს რკინიგზას ვაქცევთ მნიშვნელოვან გადასახადის გადამხდელად საქართველოში," - განაცხადა ფინანსთა მინისტრმა ნოდარ ხადურმა.
პრეზენტაცია სასტუმროში „რადისონ ბლუ ივერია" გაიმართა და მას მთავრობის ეკონომიკური გუნდის წევრები და დეპუტატები ესწრებოდნენ.
