13 ივნისს დუბაი - თბილისის რეისით ირანის მოქალაქეები - ბატოოლ რ. და სეიედამირაბბას ჩ. ჩამოფრინდნენ. შემოსავლების სამსახურის საბაჟო დეპარტამენტის თანამშრომლებმა, მგზავრების მოფრენის დარბაზში, ეჭვის საფუძველზე მათი ბარგი და ხელბარგი დაათვალიერეს. დეტალური შემოწმების შედეგად ბატოოლ რ. და სეიედამირაბბას ჩ. ბარგში არადეკლარირებული 30 000-30 000 აშშ დოლარი (საერთო ჯამში 60 000 აშშ დოლარი) გამოვლინდა. შედგა მგზავრის ბარგის/ხელბარგის დათვალიერების, ასევე საგადასახადო სამართალდარღვევის ოქმები, რაზეც ირანის მოქალაქეებმა ხელი მოაწერეს.
მგზავრებს შეეფარდათ ჯარიმა - 1000-1000 ლარი საქართველოს საგადასახადო კოდექსის 289-ე მუხლის 12-ე პუნქტის თანახმად.
