ფინანსთა მინისტრის განმარტებით, ქონებრივი დავების გადაწყვეტაზე ფინანსთა სამინისტრო პროკურატურასთან ერთად ინტენსიურად მუშაობს. როგორც ნოდარ ხადურმა განაცხადა, აღნიშნულის პრობლემის მოგვარებაზე კონკრეტული განცხადება უკვე გააკეთა ქვეყნის პრემიერ-მინისტრმა. ქვეყნის მთავარი ფინანსისტის განმარტებით, ფინანსთა სამინისტროში უამრავი საჩივარი შედის, როდესაც სუბიექტები გარკვეული ქონების ჩამორთმევაზე კონკრეტულ პიროვნებებს ადებენ ხელს.
„ჩვენ ამაზე ძალიან ბევრს ვფიქრობთ, მათ შორის პროკურატურასთან ერთად. მე დღეს მზად არ ვარ გავაკეთო იმაზე მეტი განცხადება, ვიდრე პრემიერმა ბრძანა. არამარტო პროკურატურაში, ასეთი განცხადებები ჩვენთანაც მრავლადაა. შემოდის განცხადებები, როდესაც ადამიანები პირდაპირ ხელს ადებენ კონკრეტულ პირებს, ყოფილი მთავრობიდან. ძალიან ბევრი მექანიზმის შექამნაზე ვმუსაობთ, რათა სამართლიანობა აღსდგეს და იმავე დროს ამან სხვა პრობლემები არ გამოიწვიოს"- განაცახად მინისტრმა.
