ეს არის ყველაზე სახიფათო, თუ გნებავთ ფსიქოლოგიური პრობლემა. ეს არის ღია ავტორიტარული დეკლარაცია, - ასე შეაფასა "რუსთავი 2"-ის ეთერში ეროვნული უშიშროების საბჭოს მდივანმა გიგა ბოკერიამ თანხების ხარჯვასთან დაკავშირებით პრემიერ-მინისტრის ბრალდებები.
როგორც ბოკერიამ განაცხადა, საქართველოს ხელისუფლებაში ყველა გადარიცხვა ელექტრონულია და არანაირი ნაღდი ფულის მოძრაობა აღარ არსებობს.
"ეს სრული აბსურდია. აქაც სრულ უცოდინრობასთან გვაქვს ალბათ საქმე. საქართველოს ხელისუფლებაში, კერძოდ იქ, სადაც მე მაქვს შეხება, ყველა გადარიცხვა ელექტრონულია. არანაირი ნაღდი ფულის მოძრაობა აღარ არსებობს. ასეთი დრო ადრე იყო, სადაც ნაღდი ფული მოძრაობდა. აქ ამასთან არ გვაქვს საქმე, აქ საქმე გვაქვს ძალიან ღრმა პრობლემასთან საქართველოს ხელისუფლების და პირველ რიგში პრემიერ-მინისტრის, ეს არის სრულიად აუტანლობა ოპონენტების არსებობის. ის ამბობს, ოპონირება მომწონს, მაგრამ სიმართლე უნდა ილაპარაკონო, ანუ რაც მას მიაჩნია სიმართლედ. ეს არის ყველაზე სახიფათო, თუ გნებავთ ფსიქოლოგიური პრობლემა. ეს არის ღია ავტორიტარული დეკლარაცია. შუასაუკუნეობრივი წარმოდგენები აქვს და ეს ძალიან ცუდია ქვეყნისთვის", - აღნიშნა ბოკერიამ.
