საქართველოს საგარეო საქმეთა მინისტრის მოადგილის ნინო კალანდაძის აზრით, უკრაინის ახალი ხელისუფლების მიერ საგარეო პოლიტიკური კურსის გადახედვა ნაკლებსავარაუდოა.
"ჩემი აზრით, უკრაინის საგარეო პოლიტიკის გადახედვა ნაკლებსავარაუდოა. ამ კონტექსტში, ნაკლებსავარაუდოა სუამის ფორმატს, ან არსებულ შეთანხმებებს რაიმე საფრთხე დაემუქროს", - განუცხადა კალანდაძემ ჟურნალისტებს უკრაინის რადის საგარეო ურთიერთობათა კომიტეტის თავმჯდომარის განცხადებაზე კომენტირებისას, რომელმაც სუამის დაშლა არ გამორიცხა.
ამასთან, კალანდაძის განმარტებით, "ჯერჯერობით ნაადრევია იმაზე საუბარი, საგარეო პოლიტიკური კურსის კუთხით რა გადაწყვეტილება იქნება უკრაინის ახალ ხელისუფლებაში მიღებული".
