"რუსები ხვდებიან, რომ ოსებს და აფხაზებს გაუჩნდათ ახალი ინტერესები საქართველოს მიმართ", _ განაცხადა რეინტეგრაციის საკითხებში საქართველოს სახელმწიფო მინისტრმა პაატა ზაქარეიშვილმა პრესკონფერენციაზე.
"თამამად შემიძლია გითხრათ, როგორც მინისტრს უკვე მე მევალება აფხაზეთში და სამხრეთ ოსეთში მცხოვრები მოქალაქეების სამედიცინო მომსახურებაზე ნებართვის გაცემა. დღეს არ გავა, რომ ცხინვალიდან და აფხაზეთიდან ჩამოსულ სამ-ოთხ ადამიანს ხელი არ მოვუწერო საბუთზე, რომ მათ მკურნალობა სჭირდებათ ", _ განაცხადა ზაქარეიშვილმა და აღნიშნა, რომ ეს ისეთი რამეა რაზეც ხმამაღლა საუბარი შეიძლება.
"აფხაზები და ოსები ვერ უშლიან თავის მოქალაქეებს ამის გაკეთებას. თვითონ ვერ სთავაზობენ ამ მომსახურებას. ამიტომ ასეთი ნაბიჯები გადასადგმელია უფრო მეტი და რაც მალე სახელმწიფო დადგება ფეხზე მით მალე შევძლებთ ჩვენ დეოკუპაციის პროცესის მართვას", _ აცხადებს ზაქარეიშვილი.